Ang aking handog sa iyong paglisan

Kahit kami ay iyong hinanda
kami pa rin ay labis na nabigla
sa iyong biglaang pagkawala
parang kailan lang sa eskwela
ay magkakasama at maririning ang halakhakan at mga tawa!

Sa iyong matatamis na ngiti
kami ay labis mong nabighani
sa mga banat mong kahit corny
ay napapatawa mo pa rin kami.

ang di matatawaran mong kagalingan
pagmamahal sa kapawa at sa kaibigan
yan ay lagi naming matatandaan
hindi ka namin malilimutan

naalala ko pa nung ako ay nahirapan
sa eskwela at sa totoong buhay man
ikaw ang kasama ko sa paghahanap ng trabaho
kahit hindi mo man kailangan nito.
tinatangi ko sa puso ko ang sinabi mo sa aking
"pagsubok lang yan" "kaya mo yan" at nandito lang ako"

Nung tayo ay sabay na pumasok sa isang organisasyon
hindi ko malimutan ng sabay tayong mabugbog
pilit man nila tayong paghiwalayin ako ay tiwalang ika'y mananatili sa aking piling.
Gumaan ang ating pinagdaanan pagkat ito ay magkasama nating hinarap.
"maverick" ang pangalan nating na siyang nagpatatag
sa samahan nating nandyan parang kailan lang.

Nangako tayo sa isa't-isa na ikaw ay magiging pinuno
at ako naman ang iyong magiging tagapag payo
Nasan ka man ngayon alam ko na ikaw pa rin ay magiging matagumpay
pagkat ito ay nasa iyo ng dugo!

Ako'y nalulungkot pagkat hindi na kita maawitan
kahit ang boses ko ay kanilang pinagtatawanan
nadiyan ka at hinahangaan ang boses kong sabi nila'y may kapangitan

Hayaan mong sa huling pagkakataon ika'y aking makantahan
batiin at handugan ng pabaon sa iyong paglisan.

"kung ang lahat ay may katapusan,
itong paglalakbay ay makakarating din sa parorooan
at sa iyong paglisan, ang tanging pabaon ko
ay pag-ibig"

Paalam na jeza, hanggang sa muling kantahan, iyakan, pagdadamayan at pagtutulungan
ikaw ay mananatili sa puso namin kailanman!